موضوع هام جدااااااااا للتفاعل

ددلوقتي يا أعضاء منتدى همس انا جتلي فكره جديده
يا رب تعجبكم
بس هي محتاجه شوية تفاعل و نشاط يا ريت يكونوا موجودين
الفكره هي عباره عن انه في الموضوع دا هنا هنطرح قضيه أو موضوع أو سؤال للمناقشه
او كلمة و كل واحد يقول هو شايفها ازاي معناها عنده ايه
و في الأخر نحاول نوصل لنتيجه واحده
و طبعا اختلاف الرأي لا يفسد للود قضيه
و ممكن كمان هنا يكون في حد عنده مشكله و محتار في الرد ممكن يكتبهالنا و كلنا نقول رأينا
يا رب الموضوع يعجبكم و أنا أتمنى إن كل الأعضاء تتفاعل فيه






و ايه رأيكم لو أول حاجه نناقشها هي الخيانه

الله عليكي ياهموسه تسلم ايديكي موضوع هايييييييييييييييييييييييل بجد

الأجمل مرورك يا قمر نورتينا بردك يا دودي
بس انتي ما قلتيش رأيك في الموضوع
يا ريت بجد نتفاعل حتى لو أنا و انتي و شكلها هتنتهي على كدا

انا بقى اللى هارد عليكم بصوا بقى اولا الموضوع ده بجد هااااااااايل جدا

اما بالنسبه للصداقه بين البنت والولد ففى مجتمعنا الشرقى اللى احنا عايشين فيه بيقول ان ده غلط وعيب وماينفعش
انه يكون هناك علاقه صداقه بين البنت والولد

لانه عيب بس بصراحه ومن وجهه نظرى انا شخصيا فانا شايفه ان الصداقه شئ عادى جدا بس تكون الصداقه ليها حدود لاتخرج عن الحود
اللى اتربينا عليها
يعنى مثلا انا ليه اصدقاء ولاد من ايام الدراسه وبنتكلم وبنتناقش فى مشاكلنا وبنلاقى حل

وكمان ليه اصدقاء فى شغلى

بصوا الملخص المفيد ان انا شايفه ان الصداقه بين الولد والبنت شئ مش عيب ولكن يكون فى حدود الادب ولا ايه رايكم

أولا مرورك أجمل يا شوشو و أنا مبسوطه جدا ان الفكره عجبتكم
أنا لما بشغل دماغي بجيب حاجات كويسه ..علشان تعرفوا
و بالنسبه لموضوع دودي فأنا رأيي من رأي شوشو تمام بس أنا عندي شوية أسئله و أجوبه هقولها في الموضوع دا..
دلوقتي الصداقه بين الولد و البنت في المجتمع الشرقي فعلا غلط جداا بس أعتقد ان دا كان زمان بدليل ان دلوقتي في صداقه في الجامعات
انا شايفه ان الاسلام منع الاختلاط و انه كمان مفيش صداقه بينهم لانه في اختلاف في الطبيعه و كل واحد بينظر للتاني مهما كان نظرة مختلفه و دا رأيي شخصيا

اولا ميرسي ياجماعه
ثانيا ياشوشو ميرسي علي رايك دا ولو اني بعارضه بس ميرسي ياقمر
ثالثا ياامنيه انا شايفه ان اريك فيه تناقض مش فاهمه انتي شايفه دا صح ولا غلط
رابعا بقي انا هقول راي
انا شايفه ان الصداقه بين الولد والبنت دا شئ غلط وحرام وانا مش بحبها خالص ولا عمري كان لي اصدقاء ولاد
وزي ماامنيه قالت الاسلام منع الاختلاط
بصوا احنا اتفقنا علي الصراحه
هسالكم سؤال لو انتي في الشارع او المواصلات مع جوزك او خطيبك وقابلك صديقك دا وجه سلم عليكي وانتي بكل بساطه تقولي دا صحبي ايه موقف جوزك وقتها وموقفك انتي
انا لو حصل معايا كدا

انا واصحابي البنات بتصل بيهم بيكلموني في البيت بعرفهم علي اهلي بتمشي معاهم واخرج معاهم بقولهم علي اسراري
هي دي الصداقه اللي اعرفها اظن مش ينفع اعمل كدا مع الولد ولا تبقي مصيبه بقي
ولو جوزي او خطيبي عل كدا دا انا ارتكب فيه وفيها جنايه

محدش يزعل من راي والله انا مااقصد اي حد انا بس بقول راي

مستنيه ردودكم

أنا معاكي يا دودي
الصداقه بين الولد و البنت تقليد للعادات الغربيه و تأثير سلبي من تأثيرات الاعلام و التليفزبون
أنا موقف حصل معايا ولد كان زميلي في ابتدائي شافني في الميكروباص و أصر على انه يدفعلي بس أنا أنكرت اني أعرفه.. أنا رافضاها تماما ..متهيألي مش هينفع أجي أقول لماما دا صاحبي أو انه أخليه ييجي يزورني في البيت أو هروح أقول لبابا عايزه أحضر خطوبة صاحبي أو أجيبله هديه في عيد ميلاده...
و كمان مهما كان كل واحد بينظر للجنس الآخر على انه مختلف في طبيعته و ممكن غصب عنه منخلال التعامل تنشا مشاعر بينهم من غير قصد لأن ديه غريزه خلقها ربنا جوانا مش لينا إيد أو نقدر نتحكم فيها..
ها عايزه ردود

عندك حق ياامنيه
كمان مش لازم ننسي اننا في مجتمع شرقي ليه عاداته وتقاليده
وغير كدا الله عز وجل حرم الاختلاط بين الرجل والمراه
ميرسي ياامنيه

طيب انا عاوزه نتكلم عن موضوع تاني
وهو الحب المستحيل
يعني اتنين بيحبوا بعض جدا والظروف كلها ضدهم
ياتري لو انت مكانهم هتعمل ايه

أسفه على التأخير في التفاعل
بجد افكارك رائعه و مواضيعك أروع يا دودي


الحب المستحيل موجود في كل مكان و أي حد ممكن يتعرضله
بيبقى نهايته فراق و دموع
تيجوا نفكر شويه بعقل و منطق
انا عمري في حياتي ما كنت اتخيل يوم أعدي ما أشوفش جدي فيه
بلاش ديه مفيش حب أعظم من حب الأم لأولادها و لا الأولاد و تعلقهم بأمهم دا أجمل حب و أنقاه
بس بييجي اليوم و بيحصل فراق البنت بتتجوز ربنا بيختار حد فيهم
في الاول بنزعل و بنتألم ما نقدرش نقول ان احنا بننساهم بنفتكرهم و بيبقوا ذكريات جميله في حياتنا..
طبيعة الحياه و الكون زي ما خلقها ربنا فراق كل شويه بنقابل و نفارق

بالنسبه للحب المستحيل معناه ان أخره فراق أصعب كلمة و معنى في الدنيا
لما نيجي نجمع كلمة مستحيل و فراق بنتعب
لكن لو جينا فكرنا بعقلنا هنلاقي نفسنا هنتعب بس بنخف
زي مثلا لما بنتجرح بسكينه و احنا في المطبخ بتوجعني جدااااااا في الأول لكن بعد كدا تبتدي تتكون قشره و افتكرها و لما ابصلها اضايق علشان شكلها وحش شويه و القشره تقع و بعدين أقول ياه دا كان في جرح في ايدي..

ملخص الكلام ان الحب المستحيل نقدر نتغلب عليه يا نحاول نهزم الفراق يا نهزم الألم اللي هيسببهولنا مش هو يقضي علينا..
نشغل نفسنا في حاجه تانيه بالشغل بالدراسه بأي حاجه
الا الدخول في حب تاني لأن ديما بيبقى في ظلم و احتياج

سوري على التطويل

وانا كمان يا دودى رايى من راي هموسه كل كلامها انا كنت هاكتبه

ايه رايكم نتكلم عن.......






حب النت/او حب التعود كما يطلقون عليه..........!!!!!!!

أوكي
موضوع كويس جدااااااااااا
بس ليه يا جماعه أنا ديما اللي بشارك الأول حد يشارك معايا ربنا يباركلكم بتدبسوني ديما
ماشي يا شوشو انتي و دودي مش هعملكم من الشاي بتاعي..
اللي دودي بتتريأ عليه ..
أنا هرد على سؤالك يا شوشو..
تعالوا نفكر جوانا هنلاقي ان الحب دا كلمه احنا اللي عملناها هي ليها أساس علمي و افرازات و في موضوع هنا في المنتدى بيشرح الموضوع دا أنا هلخصه..
هو بيقول بقى ايه الموضوع دا ..
بيقول ان الواحد بيفضل يرسم في خياله صوره لشخص معين من تصرفات و شكل و مركز و كل حاجه و لما بيشوفوا من خلال تصرف كان مرسوم في خياله احتكاك أو كلام حصل في الحقيقه بيرسل الجهاز البصري اشارات نتيجتها المخ بيفرز هرمون معين و بيستمر في إفرازه طول مدة النظر للشخص دا و لما بيغيب الشخص دا بيمتنع افراز الهرمون دا عن الجسم و من هنا بتيجي حتة الاشتياق و من هنا ظهرت كلمة وحشتني أو وحشتيني...
لكن لو جينا و قلنا حب النت دا أصلا غلط في غلط ليه بقى غلط ..؟
أولا كل واحد على النت بيظهر في صورة ملاك أو فارس أحلام عمرك ما هتكلمي حد على النت و هيبانلك فيه عيوب أبدااا لأنه بيعرفك على نفسه زي ما هو عايز و هو عمره ما هيقلك عن عيوبه بالعكس هو بيشوف عيوبه بصوره مثاليه فالبتالي انتي هتشوفي شخص مثالي قدامك و أكيد لازم يبتدي احترام..
ممكن نقول ان حب النت دا بيبقى عباره عن احتياج للحب ممكن بيحصل و بيكون حقيقه بس قليل أوي و مره في المليون و لكن الأكيد انه لو اتحول لحب حقيقي مش هيكون قبل لقاء بين الطرفين ..
أنا أعرف ناس من بلدين مختلفين اتجوزوا عن طريق النت قرايبي بس للأسف هو نفسه يطلقها بس مش راضي علشان ولاده ما يبعدوش عنه ..
و بالنسبه لحب التعود دا بنرجعه لكلمتين العشره و الأصاله اللي في النفس و الطبيعه الطيبه..
لما بتتعةدي على حد بتحسي انك لازم تشوفيه و بأصالتك بتحسي بخوف عليه

msh 3arfa ard 3alikm fe el mowdo3 da
my computer dose not write arabic

طب يا دودي اكتبي انجلش مش مشكله هنحاول نفهم
بس مش معقوله هقول رأيي لوحدي

انا ممكن اقول رايى؟
اولا بخصوص صداقه البنت والولد من وجهه نظرى ده شئ تقدرى تصادفيه فى اى مكان مش شرط الجامعه بس بدليل انك لو خلصتى جامعه واشتغلتى ان شاء الله اكيد هيبقى فيه فى مكان عملك ولاد او رجاله وممكن تبقو صحاب مش هى دى المشكله المشكله الحقيقيه فى التعامل نفسه وتطور العلاقه دى اولا بتبدء بصداقه وفجأه تلقيها قلبت لحاجات غريبه وبتنتهى بلعبه محدش ساعتها بيخسر غير انه فقد اسمى شئ وهى الصداقه وفى ناس بتاخد الصداقه وتتمادى فيها ممكن توصل لمدد الايد وهزار غريب مينفعش بين ولد وبنت لكن بجد فى ناس ممكن تصدقيهم بجد ولاد وبتتعاملى معاهم على انهماخواتك .وعلى فكره الاسلام منع الاختلاط اه بس فى حاجه ان الرسول "صلى الله عليه وسلم" كان بيتعامل مع سيدات بس المشكله زى ماقلت ان محدش فى البشر دلوقتى بيرتقى بمعاملته مع البنت زى زمان يمكن عشان كده فى فجوه كبيره بين الجيل دلوقتى والاب او الام ....دى وجهه نظرى
اما بخصوص حب النت هو فى سعات او نادرا بينفع بس ده بيتوقف على الشخصيه نفسها وكمان يمكن لان الجيل حاليا سواء بنت او ولد خلاص عرفو ازاى يتعاملو وعرفو انهم مينفعش اى حد يتكلمو معاه بصراحه غير الحد القريب منك عشان كده غالبيه الموجودين مجرد كلام وخلاص وتضيع وقت وكمان انك تعرف حد وتتعامل معاه وتشوف تصرفاته بتختلف تماما على حد تتكلم معاه مجرد كلام وهو اللى بيقول عن نفسه

allah ana 3agabny ra2i awi awi ya sara bgd yadul 3ala enk ensana fahma kois el 7aiah we tafkerk nadg we gamel awi
ana m3aky fe kalamk da
thank you ya 2amar

ايه رأيكم لو نتكلم عن سن المراهقه و أخطاره و ازاي الناس تتعامل في الوقت دا مع المراهقين
و ايه معنى الكمه...؟

الكلمه دي كبيره اوى اوي ياهم وصعبه جدا معناها
هي فتره من عمر الانسان المراهقة من أخطر المراحل التي يمر بها الإنسان

لذيذه جدا بس مشاكلها كتير اوى
بصوا دا مقال قراته عن المرحله دي

مفهوم المراهقة:
ترجع كلمة "المراهقة" إلى الفعل العربي "راهق" الذي يعني الاقتراب من الشيء، فراهق الغلام فهو مراهق، أي: قارب الاحتلام، ورهقت الشيء رهقاً، أي: قربت منه. والمعنى هنا يشير إلى الاقتراب من النضج والرشد.
أما المراهقة في علم النفس فتعني: "الاقتراب من النضج الجسمي والعقلي والنفسي والاجتماعي"، ولكنه ليس النضج نفسه؛ لأن الفرد في هذه المرحلة يبدأ بالنضج العقلي والجسمي والنفسي والاجتماعي، ولكنه لا يصل إلى اكتمال النضج إلا بعد سنوات عديدة قد تصل إلى 10 سنوات.

وهناك فرق بين المراهقة والبلوغ، فالبلوغ يعني "بلوغ المراهق القدرة على الإنسال، أي: اكتمال الوظائف الجنسية عنده، وذلك بنمو الغدد الجنسية، وقدرتها على أداء وظيفتها"، أما المراهقة فتشير إلى "التدرج نحو النضج الجسمي والعقلي والنفسي والاجتماعي". وعلى ذلك فالبلوغ ما هو إلا جانب واحد من جوانب المراهقة، كما أنه من الناحية الزمنية يسبقها، فهو أول دلائل دخول الطفل مرحلة المراهقة.

* أبرز المشكلات والتحديات السلوكية في حياة المراهق:
1- الصراع الداخلي: حيث يعاني المراهق من جود عدة صراعات داخلية، ومنها: صراع بين الاستقلال عن الأسرة والاعتماد عليها، وصراع بين مخلفات الطفولة ومتطلبات الرجولة والأنوثة، وصراع بين طموحات المراهق الزائدة وبين تقصيره الواضح في التزاماته، وصراع بين غرائزه الداخلية وبين التقاليد الاجتماعية، والصراع الديني بين ما تعلمه من شعائر ومبادئ ومسلمات وهو صغير وبين تفكيره الناقد الجديد وفلسفته الخاصة للحياة، وصراعه الثقافي بين جيله الذي يعيش فيه بما له من آراء وأفكار والجيل السابق.

2- الاغتراب والتمرد: فالمراهق يشكو من أن والديه لا يفهمانه، ولذلك يحاول الانسلاخ عن مواقف وثوابت ورغبات الوالدين كوسيلة لتأكيد وإثبات تفرده وتمايزه، وهذا يستلزم معارضة سلطة الأهل؛ لأنه يعد أي سلطة فوقية أو أي توجيه إنما هو استخفاف لا يطاق بقدراته العقلية التي أصبحت موازية جوهرياً لقدرات الراشد، واستهانة بالروح النقدية المتيقظة لديه، والتي تدفعه إلى تمحيص الأمور كافة، وفقا لمقاييس المنطق، وبالتالي تظهر لديه سلوكيات التمرد والمكابرة والعناد والتعصب والعدوانية.

3- الخجل والانطواء: فالتدليل الزائد والقسوة الزائدة يؤديان إلى شعور المراهق بالاعتماد على الآخرين في حل مشكلاته، لكن طبيعة المرحلة تتطلب منه أن يستقل عن الأسرة ويعتمد على نفسه، فتزداد حدة الصراع لديه، ويلجأ إلى الانسحاب من العالم الاجتماعي والانطواء والخجل.

4- السلوك المزعج: والذي يسببه رغبة المراهق في تحقيق مقاصده الخاصة دون اعتبار للمصلحة العامة، وبالتالي قد يصرخ، يشتم، يسرق، يركل الصغار ويتصارع مع الكبار، يتلف الممتلكات، يجادل في أمور تافهة، يتورط في المشاكل، يخرق حق الاستئذان، ولا يهتم بمشاعر غيره.

5- العصبية وحدة الطباع: فالمراهق يتصرف من خلال عصبيته وعناده، يريد أن يحقق مطالبه بالقوة والعنف الزائد، ويكون متوتراً بشكل يسبب إزعاجاً كبيراً للمحيطين به.
وتجدر الإشارة إلى أن كثيراًَ من الدراسات العلمية تشير إلى وجود علاقة قوية بين وظيفة الهرمونات الجنسية والتفاعل العاطفي عند المراهقين، بمعنى أن المستويات الهرمونية المرتفعة خلال هذه المرحلة تؤدي إلى تفاعلات مزاجية كبيرة على شكل غضب وإثارة وحدة طبع عند الذكور، وغضب واكتئاب عند الإناث.
ويوضح الدكتور أحمد المجدوب الخبير بالمركز القومي للبحوث الاجتماعية والجنائية مظاهر وخصائص مرحلة المراهقة، فيقول هي:" الغرق في الخيالات، وقراءة القصص الجنسية والروايات البوليسية وقصص العنف والإجرام، كما يميل إلى أحلام اليقظة، والحب من أول نظرة، كذلك يمتاز المراهق بحب المغامرات، وارتكاب الأخطار، والميل إلى التقليد، كما يكون عرضة للإصابة بأمراض النمو، مثل: فقر الدم، وتقوس الظهر، وقصر النظر".

التعامل مع المرحلة وفق النظرية الإسلامية

تطرقنا معكم في الحلقة السابقة من هذه القضية لعدة جوانب، وهي:
مفهوم المراهقة
مراحل المراهقة
علامات بداية مرحلة المراهقة، وأبرز خصائصها وصورها الجسدية والنفسية
مشاكل المراهقة
أبرز المشكلات والتحديات السلوكية في حياة المراهق
طرق علاج المشاكل التي يمر بها المراهق
ونستكمل معكم عرض باقي الجوانب في تلك القضية، وهي كالتالي:

* كيف عالج الإسلام مرحلة المراهقة؟
يقول الدكتور أحمد المجدوب (المستشار بالمركز القومي للبحوث الاجتماعية بالقاهرة)، أن الرسول _صلى الله عليه وسلم_ قد سبق الجميع بقوله: "علموا أولادكم الصلاة لسبع، واضربوهم عليها لعشر، وفرقوا بينهم في المضاجع".
ويدلل المجدوب بالدراسة التي أجراها عالم أمريكي يدعى " ألفريد كنسي" بعنوان " السلوك الجنسي لدى الأمريكيين"، والتي طبقها على 12 ألف مواطن أمريكي من مختلف شرائح المجتمع، والتي أثبتت أن 22 % ممن سألهم عن أول تجربة لممارسة الجنس قالوا: إن أول تجربة جنسية لهم كانت في سن العاشرة، وأنها كانت في فراش النوم، وأنها كانت مع الأخ أو الأخت أو الأم !!

انا مع دودى فى كلامها هي فتره من عمر الانسان المراهقة من أخطر المراحل التي يمر بها الإنسان

تعالوا بقى نتكلم عن العنوسه واضرارها على بناتنا


ابعدها الله عن اخواتنا اللهم اميييين

امممممممممممممم ربنا يستر شكلي قربت عليها

لا يا قمر انتى فين وسن العنوسه فيييييين



الف بعد الشر عليكىىىىىىىىىىىىى

موضوع هايل جداااااااااا يا شوشو


أنا ممكن أتكلم معاكم فيها
أصل أنا ناويه أعنس بس بمزاجي
هرحم شباب المجتمع مني...

ليه مش في تفاعل
بجد زعلانه جدااااا موووووت علشان نسيتوا المنتدى

أما بالنسبه لموضوع العنوسه فهي انتشرت لأسباب كتيره
أنا مره اتناقشت في الموضوع دا مع مرات عمو
تعالوا احكيلكم اللي اتوصلنا ليه بعد المناقشه
-من علامات يوم القيامه ان البنات تكتر و فعلا دلوقتي قصاد كل ولد 8 بنات
انيا:- دلوقتي الغريزه اللي ربنا حطها جوا الولد و البنت علشان يجعلها سبب في الزواج و عدم التنافر دلوقتي الولاد و البنات بيشبعوها بتلاقي البنت تكبر شويه تعجب بواحد أو واحد يعجب ببنت يمشي معاها و يخرجوا و يشوفها و يكلمها و يسمع منها كل اللي عاوزه و هي كمان خلاص بقى هيتجوز _ مش ننكر ان في بيتجوزا بس لو حسبناها هنلاقي 9 في الميه منهم بيحبوا بعض بجد و اللي بيتجوزوا منهم 3 في الميه و 2 في الميه بيتعرضوا للطلاق.
دلوقتي ممكن أرمله يتقدملها عرسان أكتر من بنوته و دا بيحصل و بشوفه و دا لأسباب كتيره منها :-
أولا :الأرمله ديه غاليه مش هتروح تمشي معاه.
ثانيا:- و ديه مشكلة الشباب كلها (((الأموال و تكاليف الزواج و الشبكه و طلبات البنات اللي مش بتخلص و الشقه))) و حلم 3\4 من البنات بالعربيه و الشقه الفخمه و هكذا و طبعا الأرمله هتوفر كتيررررررر.
و بالنسبه للأضرار فهي كتيرررره جداااا
مشاكل نفسيه و غيره و حقد و عقد و نظاره كعب كوبايه
و ممكن لو إيمانها ضعيف طريقها يكون مش كويس


ربنا يرحم كل البنات منها
ما عدا انا



يلا ردوا بسرعه بقى علشان في موضوع على بالي أحب أتكلم فيه