كيف تتخلص من حزنك؟؟؟

[size=21]
بسم الله الرحمن الرحيم

اكيد كلنا ف لحظات بنحس بالحزن سواء على شىء فقناده , او شىء حتى لم نمتلكه
الاحساس بالحزن زيه زي الاحساس بالسعاده طبيعه ف الانسان
اكيد بتمر علينا مواقف كتير بتسببلنا الاحساس بالحزن وبتمر علينا لحظات كتير وكان حياتنا توقفت
وكاننا هنفضل دايما نحس بالالم والحزن ده
ده كلام مش صح اكيد لازم نتغلب على المواقف دى ولازم نرمى لحظات الحزن دى من حيتنا عشان نقدر نكمل
طب نعمل ايه عشان نتخلص من الاحساس ده؟؟

__ اول حاجه لازم يكون ايمانا ب ربنا سبحانه وتعالى كبير ,لازم نكون مدركين ان ربنا ان ابتلنا ف حاجه
اكيد بيحطلنا الخير ف حاجه تانيه .
ايمامنا ب ربنا هيقوينا على النسيان وعلى اننا نقدر نتجاوز المرحله دى.
يعني الشاب الى مقدرش يرتبط بالبنت الى بيحبها ميزعلش اكيد ربنا سبحانه وتعالا هيوفقه بالاحسن منها
والبنوته الى بتحب واحد من طرف واحد متزعليش اكيد ربنا هيرزقك بالاحسن منه ويكون بيحبك اكتر منك

__ تانى حاجه كل انسان حاسس بضيق او حزن يتكلم ويعبر عن الى جواه ,والله اكتر حاجه بتتعب الانسان
وبتسببله صفحه طويله من الامراض النفسيه هو الكتمان
اتكلموا وفضفوا , كلموا ناس صحابكم او بتحبوهم وقولولهم مالكم وحاسين بايه
عيطوا لو ده هيريحكم المهم متكتموش مشاعركم
بس مش معنى كده تخلوا الشكوى اساس حياتكم.

__ متفكرش نفسك كل شويه بالى حصل ,زى البنت الى بيسيبها حبيبها وتعد تسهر طول الليل
تبص لصوره ,اطرد الموقف من تفكيرك على اد متقدر
متفضلش طول الوقت تفكر فيه .

__ ابذل مجهود ف مساعدة الناس , لما تساعد حد وترسم ابتسامة على وشه اكيد هتنسى المك
اجتهد ف شغلك , ف مزاكرتك
العب رياضه , المهم تضيع وقتك ف حاجه تفيدك
ومتسبيش وقت فراغ تفضل تفكر فيه ف حزنك.
فيه واحد مشهور اوى بصنع الحلوى اسمه (ملتون هيرشي)على ماظن,ده كان شديد الحزن بسبب عقم زوجته
ومع ذلك اجتهد جدا ف شغله وكون ثروة كبيره جداااا بدل ما يتحسر على حياته ,وبني اكبر ملجأ لايتام بيضم 1200 طفل.

__ شوف دايما افلام طبيعيه زى عالم الحيوان مثلا هتحس بهدوء اعصاب واسترخاء جميل جدا.

__ وطبعا الحفاظ على الصلاه وذكر الله اهم وسيله ف التنفيس عن الحزن.

وأهم حاجه انك انت نفسك يكون عندك الاصرار انك تخرج من حزنك ده
وتقدر انك تكمل حياتك بعد كده
الحياه مبتتوقفش عند مصيبه او ابتلاء بيحصل للانسان, لازم نكمل ومنوقفش
...
[/size]

معاكى حق فى دى
الحياه مبتتوقفش عند مصيبه او ابتلاء بيحصل للانسان, لازم نكمل ومنوقفش

شكرا يا دودىىىىىىىىى