كيف تختار الزوجه المناسبه لك ؟
وانتى كيف تختارين الزوج المناسب لكى؟
العريس
أنت عاوز وحدة تقويك فى الدين وتجعلك تقوم الليل و تصلى الفجر وتخرج جزء من مالك صدقة وتبر أمك و أبيك وتحفظك وتحفظ بيتك وترضيك معناة بنت متدينة
أنت حساس شوية للكلام مبتحبش حد يبرطم فى الكلام
ويغلط معناة بنت عندها ذكاء أجتماعى ومؤدبة وتحسسك إن عندها حياء
أنت ولد طول عمرك مع ولاد كل خروجاتك مع ولاد أنت عايز حاجة مش موجودة فى أصحابك معناها بنت رقيقة
أنت عايز واحدة توافق إنها تكون ربة بيت مستعدة تعتنى بك
وبالبيت إذن أنت عايز وحدة ربة بيت وفهما إنها ستكون محور البيت كلة وأنها عليها شغل البيت وإنت عليك مواجهة العالم الخارجى وحماية البيت و تحول بيتكم إلى جنة
أنت عاوز واحدة أهم حاجة عندها أسرتكم المستقبلية أهم من أسرتها الحالية وأهم من وظيفتها
أنت عاوز واحدة مستعدة تسمع كلامك وإذا أختلفتم ولم تقنع أنت برأيها بعد الحوار فيجب أن يكون هناك سائق واحد فى البيت للسفينة
أنت عاوز واحدة مستعدة تتجوز لانك لو أخدت وحدة صغيرة جدا فغالبا ستحب هى أن تستنى لحد ميجلها الواد الفت النت الست البت ولو عملت أية فستجدها مش طلبة معاها تتجوز ساعتها
أنت عاوز واحدة تحسسك إنها ستقف جانبك فى أحلك الظروف ولا تحسسك إنك عجزت إذا ضاقت بك الدنيا إذن إنت عاوز واحدة قنوعة ولا تحب الدنيا ولا تهتم فقط بمطالبها
أنت عاوز وحدة تملأ عينك إذن عاوز إنك تحس بقبول فى شكلها وتعتبرها جميلة
أنت عاوز واحده أهلها ناس شاريينك ومقدرينك وبيعملوك بإحترام وعيلة مترابطة ومش منتشر فيها الطلاق كالسرطان لإنك لو أخذت عيلة مش مترابطة فإحتمال إن المرض دة ينتقل عندك أحتمال كبير وعلى فكرة أى عمل بيبقى كئيب حتى ولو كنتى فى أكبر ملاهى فى الدنيا لو عملتية بكرة ومن غير هدف
وأى عمل فى الدنيا بيبقى لذيذ ممتع لو عملتية بحب وعينيكى على هدفك اللى هو الجنة فيها ما لا عين رأت ولا أذن سمعت ولا خطر على قلب بشر
نفترض إنك وجد البنت المناسبة
فقبل أن تتخلق مشاعر توقف فورا و أجلس مع الأب جلسة واحدة تحدد فيها كل الكلام عن الماديات لان الماديات قد تدمر فى هذة الجلسة تتكلم على النقاط التالية
الخطوبة
:
شكلها عامل إزاى أسلامى ولا غير إسلامى و تلبس إنت الذنوب حتقدم فيها أية هل ستقدم شبكة أو مهر أو أية ميعادها
كتب الكتاب
:
حتقدم فيها أية هل ستقدم شبكة أو مهر أو أية ميعاد الفرح
شكلة عامل إزاى أسلامى ولا غير إسلامى وتلبس إنت الذنوب
الشبكة بكام والمهر كام كل واحد حيجيب أية بالتفصيل هل هتعمل قايمة أم لا المؤخر كام
ولازم تبقى رايح عارف إن قد يطلب أكتر مما قلت فلازم تعرف أخرك إية لانك راجل و كلمتك سيف ومسئول عما تتفق علية
إذا أنتهيت من الأشياء دى ستكون أنتهيت من جزء كبير جدا
من المشاكل فى جلسة واحدة ولو وجدت شريك حياتك المناسب فأمسك فية بكل قوتك وأستغنى عن كل شئ فهذا شخص فريد من نوعة وهتتعب جدا فى بحثك عن أخر
مقابلة العروسه
لما تروح تشوف واحده عشان تخطبها لازم تبقى متشيك
وده طبيعى عشان الانطباع الاول
لما تروح عند العروسه وتلاقيها داخله حاول بقدر الامكان تتحكم فى ردة فعلك
يعنى لو هى حلوه متتسمرش وتقعد تبصلها ولو كانت مش على قدر من الجمال
زى ما انت متخيل مايبانش عليك الاحباط فى اول زياره انت بتبقى رايح علشان تشوف هيحصل قبول ولا لاه مش اكتر يعنى
متحاولش تسأل الاسئله بتاعت التدين وخلافه لو البنت عجبتك الا فى تانى زياره
لما تتاكد كمان ان هى متقبلاك وتتكلم فى مواضيع عامه سواء مع عيلتها او معاها
حصل قبول والحمد لله من الطرفين تروح الزياره التانيه وتسال زى ما انت عاوز
وهى كمان هتسال زى ما هى عاوزه بس بشرط تحاول بقدر الامكان انك تخلى الاسئله مش مباشره
مثلا انت عاوز تسأل على الصلاه متقولهاش انت بتصلى ولا لا اوعى ربنا يكرمك حاول تخلى الاسئله غير مباشره وفى وسط الكلام يعنى مثلا تقولها انا الحمد لله ملتزم فى صلاتى وساعتها هتشوف ردها او تعبير وشها وهتعرف الاجابه لوحدك وياريت متسألش بصوت عالى علشان متحرجهاش لانها كده كانك بتستجوبها وكل اللى قاعدين بيبقوا باصين لها ومستنيين اجابتها وعلى اساس اللى قلته ده البنت بتقيم العريس يعنى من لباقته وطريقة كلامه وده طبعا فى الاول لحد لما تتعرف عليه كويس
جلسة التعريف بين الولد و البنت
إن الولد لو متكلمش فى المقابلة الأولى هل ده بيكون سبب لعدم إعطاءه فرصة تانية مفروض تكون فى فرصة تانية لأن لازم يكون حصل قبول الأول وإنى أحس بإرتياح للشخص إللى قدامى
فممكن تشوفى واحد متقدم لك فيكون مخضوض أو مش جرئ أو أى سبب بس هل دة سبب كافى علشان نقولة شكرا فلا تحكمى بسرعة وأعطيلة وقت فإذا وجدت بالقميص عيب ضخم فشكرا و ففية قمصان كتير جدا بس كلة فية عيب لن تجدى أبدا حد 100% صح وإلا فستأخدية و تعلقية على الحائط ودائما الله بكرمنا باللى فية الخير لآن الشاب مفروض يتكلم عن نفسه لآن دا بيبين شخصيته وتفكيرة إزاى مش حد يتكلمله وفى ناس بيتقول أصلها أول مقابلة طيب شوفيه تانى بس ديما الإنسان بيكون إنطباع ولو لأول مرة ممكن اتجمل واعيش حياتى بقا واكون واحده تانيه خالص لكنى بفضل اكون بسيطه اوى وبطبعتى على الاخر حقه يشوفنى كدا لانه مسيره هيشوفنى بطبعتى يبقا من الاول احسن وهو ليه القرار وانا كمان حقى اشوفه بطبعته واقرر
لو البنت بتجلس مع الولد قليلا يبقى عليها تزيد من الأستخارة جدا جدا علشان الله أعلم منها بمستقبلها ولما تكون مع الولد فيجب أن تلاحظ كل حركة وتضعة فى أختبارات غير مباشرة خالص و تعتبر نفسها فى مهمة أكتشاف بس بأسلوب خفى ولا تضيع البنت ثانية من غير ما تلاحظ وتختبر
ومدة الخطوبة فى الدين هو الوقت الكافى إن أثنين يعرفوا بعض ويوافقوا على بعض
الواحد لو قدر يبقى الرؤيه الشرعيه والكلام ف جلسه واحده و بشياكه بيبقى افضل لان الشاب بيبقى عنده اهتمام انه يتعرف اكتر ع البنت ف كل الجوانب مش مجرد انه يراها كقبول و بالطريقه دى بيفتح لها هى كمان المجال للكلام و لكن الاسلوب عامل هام لازم ذكاء ولباقه ف السؤال و بطريقه غير مباشره
يعنى نحاول نعرف اللى احنا عايزينه من بعيد كده ولما يحصل اندماج ف الحوار اكتر نقرب بالاسلوب شويه بطريقه برده ذكيه عشان الكلام يبقى اوضح اصله مش استجواب ده ممكن يعمل جفاء لو مش عارفين نتكلم سواء بقى المره الاولى او العاشره
لا يجب أن تجاوب البنت على سؤال الولد المتقدم لزواجها فى هل موافقه أم لا علشان متتلخبطش وعلشان تشارك أهلها فى القرار وأحتراما لإهلها وعلشان تمنع إى دخول لرجل لها من أى طريق غير باب بيتها وطريق والدها و والدتها ولتتأكد من مدى جديتة وتقفل الباب أمام أى تجاوزات دينية والشاب أحسن لة إلا يسأل البنت مباشرتا بل يسأل الأب أحتراما لة و دة بيعزز موقفة شوية وبيكون الموضوع أسهل بكتير جدا
فترة الخطوبة
هى فترة تعرفى فيها و يجب كل نقطة عايزة تعرفيها لازم تجهزى ليها أمتحان غير مباشر زى موضوع الصلاة الأذان أذن والراجل لسة فى البيت يبقى عندة حى على الصلاة نداء ربنا مش مهمة
موضوع غض البصر مرى معة أمام بنات أو أجلسى فى وسط نادى و شوفى عينة أفتحى التلفزيون وشوفى فالعين دى عملة زى المغناطيس
موضوع عقوق الوالدين لحظى أسلوب معملتة لأمة وأخواتة وأبوة كل شئ سهل قياسة مع الأختبارات و مع ردود الفعل أسألية هو حضرتك قرأت إية فى كتب الدين حافظ أد أية فى القرأن طب ناوى تحسن نفسك إزاى
امتى بقى العريس يصرح بمشاعره
المفروض بعد فتره مش طويله ولا قصيره يعنى مثلا بعد الخطوبه بشويه
مش عارفه اد ايه بالظبط لانها بتعتمد على الشاب والبنت بس اللى انا عاوزه اعرفهولكم ان البنت بتقدر تعرف اذا كان اللى قدامها ده بيحبها ولا لا كويس اوى
لو البنت وجدت أن الشخص المتقدم مناسب ولكن أهلها مغرقينة مطالب
أنا شايف إن الموضوع دة خاص بالبنت فهى اللى حتتجوز وممكن تقول أنا مش محتاجة كذا وجعل بينكم مودة و رحمة طب فين الرحمة اللى بينكم طب لو أشتروا كل حاجة أمال حيكفحوا مع بعض بعد الزواج فى أية والدنيا
دى لازم يكون فيها أبتلاء فلو كل حاجة فى الفلوس كاملة وعندنا عربية تحفة إذن سيكون الأبتلاء فى الصحة مثلا أو فى الأولاد
امتى بقى البنت ترفض العريس
دى بقى لها اسباب كتيره من ضمنها
1 لو مفيش راحه نفسيه حتى لو هو مفيهوش عيب
2 دة يكون لاى سبب نفسى تانى عندها
3 مش قابلة فكرة الزواج
4 شافت ناس كتير مش ناجحة فخافت من الزواج
5 حاطة أحلام مش واقعية فى زوج المستقبل مفيش حد مثالى
كلة فية عيوب
5 لو العريس داخل بقلب جامد اوى وواثق كدة من نفسه قال يعنى مفيش قبله ولا بعده طبعا البنت هتتضايق من كده وده ممكن يكون سبب للرفض
6
لو العريس ساكت اوى بس اول ميتكلم تحس ان فى طوب خارج مع كلامه فطبعا البنت بتحاول تفادى الطوب ده علشان متتعورش
7
لو العريس مش بيغض بصره يعنى من اول متدخل يفضل متنحلها لحد متقول يا ارض اتشقى وابلعينى طبعا ده بيدى انطباع على عدم غض البصر بس مش معنى كده انه ميبصلهاش لا طبعا بس فى حدود اللياقه
والإستخارة مش معناها حلم ولا مشاعر لأن الشيطان والحالة النفسية والأكل ممكن يخليكى مش حاسة إنك مبسوطة الإستخارة معناها إنك تمشى فى الموضوع بكل طاقتك وعايزة تكملية بس الله لا يكملة لكى لإن الله أعلم بمصلحتك و هو يعلم الغيب اجبتى على السوال ده تتلخص فى النصيب اكيد ربنا بيسبب الاسباب لان الزواج دا رزق ونصيب ومفيش حد بيتزوج زوج حد صح ولا لاء
لو بنت مش موافقة على ولد
1
أحتراما لأداميتة لازم تقول إنها مش موافقة فورا
2 لو البنت مش متقبله الشاب من اول الجلسه تبان طبيعيه لان ده من الذوق ضيوفنا وبيتنا ومشاعر ناس
3
لو اتوجهلها كلام تتكلم و تجاوب على اسئلته عادى بذوق
4 لو قالها مش عايزه تسألينى ف حاجه معينه عايزه تعرفيها لان الشاب بيبقى عارف ان البنت مكسوفه
5 تجاوب بلباقه انها مثلا لا تذكر شىء محدد الان وانه وضح لها العديد من الاشياء فى كلامه فتخرج من الموقف وتحاول انها متسألوش اسئله شخصيه لان لما هتسالى يعنى فى قبول مبدىء ومهتمه برده بيتعشم لكن كده هينزل وهو مستعد للحالتين وفى نفس الوقت نازل مش محرج
و الامور باينه طبيعيه مهو احنا احسنا الاستقبال فنازل مش مكسوف طبعا حسن الاستقبال اقصد المقابله الحسنه وعدم ابداء الرفض للموضوع
6 واهم حاجه صلاة الاستخاره فعلا بتنور للواحد طريقه هو فى احسن من ربنا سبحانه وتعالى نلجأ اليه اذا كان خير ربنا سبحانه وتعالى هيقربه منها وان كان شر ان شاء الله هيبعده عنها بس أولا وأخيرا اللي ربنا كاتبه هو اللي بيحصل واكيد اللي بيمر بتجربة قاسية طالما هو استخار ربنا بيبقى التجربة دي في مصلحته وربنا هو العالم بالغيب
في حال اترفض العريس
فى أى وقت يقال لك شكرا لخدماتك و مش عايزين جواز
فأخرج بإسرع وقت من الموضوع كلة بسرعة البرق و بطريقة جنتل
وبكل ذوق و أدب وبدون أخطاء أو نرفزة حفاظا على كرامتك لانك الأن ستكون فى منطقة كلها أشواك فلو عملت فيها عم
المنتقم حتلبس فى الأشواك وستندم على أى كلمة غضب
أو توسل قلتها
حديث الشباب حول مصاعب الخطوبة والزواج
النقطة الأولى
الرجاء التعرف على آراء كل من يشاهد الموضوع وفتح باب المناقشه فيه علنيا
الجمعة أغسطس 29, 2008 3:18 pm
